Citations de Jacques Amyot

Images

1

2

3

4

5

6

7

8

9

10

Ayant la mort entre les dents, il songe encore à la guerre contre Mithridate.

A quoy Theano s'opposa, disant qu'elle estoit religieuse pour prier et benir, non pas pour detester et mauldire.

Tout le reste de la multitude alleché du gaing qu'ilz faisoient.

Il estoit apparent que le combat y seroit aspre et penible, à cause de la malaisance du lieu.

Il vieillit en une mechante bourgade de barbares.

Il fut à la fin rembarré d'un coup d'estoc qui luy donna droit dedans la bouche par telle violence, que la poincte de l'espée luy vint à ressortir par derriere au chinon du col.

Il reprendra à tous coups de choses petites et legeres, comme qu'il sera un peu subject à jouer, ou à faire bonne chere, ou quelques telles brouilleries.

Il appelle les extremes confins le territoire qui est à l'entour de Delium, pource que là confine le Boeoce avec le païs de l'Attique.

D'entre les voeus et offrandes qui sont pendues aux voultes du santuaire, il coula un bandeau, qui tumba droittement sur la teste de Timoleon.

Ceulx qui minent soubs terre, rencontrent souventefois es entrailles de la terre des rivieres courantes.

Ils veulent que pour eulx les aultres soient nonchalans et oublians du devoir en l'administration d'un magistrat, en leurs jugements et en leurs actions.

Je blasme les particuliers capitaines, qui vont ainsi distribuans les appointemens et les honneurs par grace et par faveur, non par merite.

La chaussure patricienne ne guarit pas de la goutte des pieds.

Si aucun desguainnoit l'espée ou baissoit la pique, il ne pouvoit plus renguainner ni relever la pique.

Il n'a point les trompettes et clarons sonans autour de luy, ains marche à pied avec des pantoufles.

Quand la pauvreté se trouve en un personnage bien vivant, laborieux, diligent, juste, vaillant, alors elle est une grande preuve de magnanimité.

Ny l'oeil enflammé ne reçoit une claire lumiere, ny l'ame passionnée un parler franc, ny une reprehension toute crue.

Qu'il ne chaloit point aux dieux, si aucun s'estant affolé un pied (boiteux) venoit à estre roy, mais...

Il s'estudia de le rendre homme de bien, quoiqu'il le veist fort depravé et fort incorrigible.

Leurs chevaux semblablement bardez de bardes de fer et de cuivre.

Evalcus se jetta à costé, et luy tira un coup d'espée, duquel il faillit à lui couper la main.

Ainsi estans ces douleurs et desplaisirs domestiques conjoincts avec les publiques.

Et adonc Ateius, s'en courant vers la porte de la ville, meit une chaufferette pleine de feu ardent tout au milieu de la rue.

Nasica escrit qu'il eut une fort aspre et doubteuse rencontre à la cyme de la montagne.

Les provinces ausquelles sa premiere commission ne s'estendoit, luy estoient adjouxtées par ceste seconde.

Si fut esleu sans contradiction quelconque, et, aussi tost qu'il eust esté declaré, commencea incontinent à lever gens de guerre.

Sylla non seulement preveit sa mort, mais aussi en escrivit aucunement.

Comme s'il n'eust eu d'autres bornes pour limiter son amitié ou inimitié, que le droit et la justice seulement.

Toutefois vainque tousjours endroit nous l'honneur, plus tost que le profit.

Ils gardent leurs femmes si estroittement, que personne ne les voit jamais dehors.

Il se partit pour aller au devant de luy, ne se deffiant pas que Caesar ne fust pour luy pardonner.

Il avoit un peu la teste longue et desproportionnée en grosseur au reste de sa personne.

Luy mesme commencea à deduire asseurement son faict...

La paix fut bien faitte pour lors, mais incontinent après...

L'attente de ceste bataille les tenoit en grand soucy.

Dedans une verte vallée, sourdent par cy par là des bouillons de feu qui fluent continuellement.

Il se trouva delaissé de tout le monde en sa vieillesse.

Quant aux capitulations de la paix, il voulut que les Atheniens leur envoyassent carte blanche.

Là où il estoit besoing de cette contrainte, il condemnoit à l'amende ceulx qui y faisoient faulte.

Et pourtant ne fault-il pas du tout ravaller ny deprimer si fort la nature humaine.

Ce que la mer va mimant petit à petit en long temps et à grand peine, luy l'a avallé tout à un coup (un qui avait mangé son bien sis au bord de la mer).

Le ravissement d'esprit ou inspiration divine, qui s'appelle enthousiasme, jette le corps et l'âme et la voix hors de son ordinaire.

Ils ne se sont point souciez d'acquerir ce dont ils n'eussent point voulu user.

Luy encore vivant, son frere Marcus, comme son curateur, eut l'administration de ses biens.

Quand il faisoit aucune chose appartenante à l'office de celle presbtrise.

Il leur persuada de s'armer les cuisses et jambes de bons cuissots et bonnes grefves.

Il estoit courtois, et avoit la parole doulce et amiable.

Au reste depuis (après) la mort de son pere Aegeus, il entreprit une chose grande à merveille.

Nous conquerrons sans difficulté tout le reste de l'Italie.

Il y avoit un temple où l'on conjuroit les ames des trespassez.

Explorer Autores

Marc-André Poissant Hugh Montefiore Dan Quayle André Lacaze Bacchylide Dan Brown Jim Carrey Jules Lagneau Burt Lancaster Alexandre Duval Jean Rostand Christian Pierret