Citations de Jacques Amyot

Images

1

2

3

4

5

6

7

8

9

10

Il avoit bon nombre de chevaux de service, grande quantité de bastons et d'armes offensives de toutes sortes, et d'engins de baterie à tirer au loing.

Ilz avoient conspiré entre eulx, que le premier jour que les Romains sortiroient, ilz leur clorroient la porte à la cueue.

Soudain il luy prit au milieu de son parler un esvanouissement, et une descente de reume.

On n'en cognoissoit rien à l'oeil, pour ce que le dessus (de ce bourbier) estoit crousté.

Estans toutes ces armes entassées et liées les unes sur les autres, ainsi qu'on les charrioit par la ville, elles rendoient un son, qui donnoit quelque frayeur à l'ouïr.

Il n'y eut personne que Pythodorus qui y osast contredire : toutefois son contredict ne servit de rien.

Quand ils veulent injurier quelqu'un, ils ne s'attachent point aux marques exterieures du corps, ny aux choses casuelles de la fortune.

Il disoit qu'il ne l'avoit pas fait par mal ny par desordonné appetit de prendre son plaisir.

Maistres esloignez du chemin de la verité, et predecesseurs enfondrez en l'abyme d'ignorance.

Il condemna les Corinthiens en une amende de vingt talents envers eulx.

Il se meit à marcher devant tout le premier, aussi guayement comme s'il eust esté asseuré d'aller à une victoire toute certaine.

Il pensa que ce luy seroit une honte, d'endurer que les ennemis approchassent si près de luy.

Camillus feit ceste priere en attouchant l'image.

Il y feit engraver tout du long ses deux premiers noms, Marcus Tullius, et au lieu du troisieme commanda, par jeu, à l'avenir qu'il y entaillast la forme d'un poy chiche.

Il appelle la volupté la principale amorche et le plus grand appast de mal faire que les hommes ayent.

Soubz sa conduitte ilz avoient accoustumé de batre tousjours leurs ennemis.

Ne renforcer pas sa passion, comme une maladie, à force de crier hault, et de se demener, et tourmenter.

C'estoient deux philosophes qui avoient esté familiers et auditeurs d'Arcesilaus.

Hannibal se mict au plus honorable lieu, ce que Scipion endura patiemment.

Notre armée a esté desconfitte et desfaitte tout à plat.

Le cynosarges estoit un parc deputé aux exercices des jeunes gens.

Fabius remit en l'obeissance des Romains la ville de Tarente, qui leur avoit esté emblée partrahison.

Il fut un an prevost annuel de la ville d'Athenes.

Soubs couleur de faire ses preparatifs, et dilayant toujours.

Agis n'advoua point pour son filz l'enfant qu'elle feit, disant qu'elle l'avoit conceu d'Alcibiades.

Pour la closture entiere des Vies de Pyrrhus et Marius, il reste de les comparer ensemble.

Il y en eut plusieurs à qui Titus sembla par trop importun et trop cruel, d'avoir ainsi fait mourir Hannibal.

Il sera fidele courtier et ministre de quelques folles amourettes.

Les devins le prirent en mauvaise part, craignans que ce ne fust l'accomplissement de la prophetie qui...

Quand il commencea à apprendre les lettres, il se trouva dur d'entendement, et tardif à comprendre.

Marius luy feit caver une grande tranchée et canal, dedans laquelle il destourna bonne partie de l'eau de la riviere.

Desguiser les viandes avec quelque saulse aigre et picquante.

Or peuvent bien toutes ces choses estre advenues accidentellement et par cas fortuit.

Il tourna du tout son estude et son ambition aux armes et à la guerre.

Elle usoit d'une instance vehemente et pressante, qui ne desistoit jamais qu'elle ne fust venue à chef de son entreprise.

Ayant nouvelles que Antigonus estoit mort, de maniere que les affaires le desiroient et l'appelloient.

Scipion luy feit response qu'il ne vouloit point de tresorier qui le contrerollast ainsi, ne qui regardast de si près à sa despense.

Ils apprennent à se chausser, à se vestir, à donner à boire, à cuysiner, et n'y a rien de tout cela qu'ils sçachent bien faire, s'ils ne l'ont appris.

A faulte de vaisseaux pour porter l'eau, ils estoient contraints d'en emplir leurs cabassets.

Pythagoras, qui tant commandoit et recommandoit le silence à ses disciples.

Il n'est rien si cruel ne si aimant le sang qu'est un tyran couard.

Ils (certains philosophes) tienent que qui osteroit du monde le discord et la noise, le cours des corps celestes s'arresteroit, et que la generation et tout mouvement cesseroit.

Les ambassadeurs dirent que Tarquinius se deportoit de plus vouloir rentrer en son royaume et de faire la guerre.

Ce pendant le jugement de la raison trouve et le moyen et la mesure de faire la punition convenablement.

Il semble que ce soient les habillemens qui eschauffent l'homme, et toutefois ce ne sont ils pas qui l'eschauffent ne qui luy donnent la chaleur.

Il estoit de belle taille, ayant les cheveux crespes et espez.

Caesar, s'esmerveillant de son gentil cueur, luy alla au devant avec grands cris de joye pour le cueillir et caresser.

Numa leur defendit entierement le vin.

Pourquoi il cherissoit ainsi ce jeune homme là seul, et abominoit tous les autres.

On doibt former les meurs des enfants, et les duire et addresser dès et depuis leur naissance à une mesme fin.

Explorer Autores

Archiloque Peggy Boucher Michel Guénaire Jules Monnerot Ann Webb Yasmine Galenorn Thomas Petzinger Jr.Leon Brittan Silvio Pellico Victoria Hislop Cali Selena Gomez